Watu wengi husema kujenga masoko ya mtandaoni (online marketplaces) ni kazi ngumu sana, kama siyo isiyowezekana kabisa, barani Afrika na hasa zaidi nchini Tanzania. Wengine huhusisha ugumu huu na changamoto ya kupata mapato (monetization). Huu ni ukweli usiopingika, kwani hata majukwaa mengi makubwa duniani bado hayajaweza kuwa na uwepo mkubwa (strong establishment) barani Afrika. Amazon, Alibaba, na eBay ni mifano hai ya kampuni zinazoendelea kufanya vizuri maeneo mengi duniani kwa upande wa biashara za mtandaoni (e-commerce). Hata hivyo, licha ya ukubwa wao, bado wanasuasua kupata misingi imara barani Afrika.
Baadhi ya watu wanaweza kusema kampuni kubwa za aina hiyo hazishindwi kujijengea misingi kwenye soko lolote, hivyo ni suala la maamuzi na vipaumbele tu. Yote kwa yote, ingawa wana uwezo wa kufanya hivyo, uhalisia kwamba bado hawajafanya unaonyesha kuwa haijawa kipaumbele chao, huenda kwa sababu ya tabia na desturi za soko hili. Hali hii inawapelekea kuwekeza zaidi kwenye masoko ya Ulaya, Marekani, na kwa sehemu kubwa, Asia.
Licha ya uthubutu wa kampuni kadhaa kujenga masoko ya mtandaoni yanayofanya kazi hadi sasa, kama vile Facebook Marketplace na Jiji, bado utumiaji wa majukwaa hayo haujashika kasi stahiki. Huenda sababu ikawa ni uwepo wa matapeli na ukosefu wa imani na bidhaa zinazopatikana huko. Zipo pia kampuni kama Uhuru Market na nyinginezo zinazoendelea kujaribu, lakini zote bado zinapambana kushika kasi.
Yote haya yalitupelekea kujenga Wavuka Marketplace. Tunatambua kuwa uhitaji upo licha ya changamoto hizo, hivyo tulifanya uamuzi wa kimkakati (deliberate choice) wa kuelekeza rasilimali zetu kwenye soko la magari, bajaji, pikipiki (Automotives), na vipuri (spare parts).
Wavuka ni Nini?
Wavuka ni soko la mtandaoni linalolenga kurahisisha utafutaji wa magari na vipuri nchini Tanzania. Sisi kama Wavuka hatuuzi magari wala vipuri moja kwa moja; badala yake, tunarahisisha mchakato wa utafutaji na kuwakutanisha wauzaji na wanunuzi.
Tunatambua kuwa zaidi ya 90% ya magari yanayoingizwa nchini Tanzania ni magari yaliyotumika (used cars), ambayo hutofautiana sana hata kwa gari la aina moja. Tofauti hizi hupelekea wauzaji kuthaminisha kila gari kwa pekee yake na sio kwa ujumla kama ilivyo kwa magari mapya.
Soko hili nchini linaongozwa zaidi na wafanyabiashara waliosajiliwa wanaingiza magari nchini kwa ajili ya kuuza au kuagiza kwa maombi ya wateja. Wengi wao huuza magari kupitia WhatsApp, Instagram, na ufuatiliaji wa ana kwa ana. Njia hizi zina mipaka yake kwani wigo wa utafutaji unabaki kuwa mdogo. Kwa kuwa kuna wauzaji wengi waliotawanyika, mnunuzi anakosa fursa ya kuona chaguzi zote zilizopo mahali pamoja.
Majukwaa kama Jiji na Facebook Marketplace yana idadi kubwa ya matangazo ya magari, lakini kwa kuwa ni masoko ya jumla na hayana usimamizi thabiti wa taarifa, watumiaji wengi huingiwa na wasiwasi wa kiuaminifu, hasa unapohusisha mali zenye thamani kubwa kama gari.
Lengo la Wavuka
Wavuka inalenga kuwa soko namba moja la kuaminika la magari nchini Tanzania, likiunganisha wauzaji waliothibitishwa (watu wenye mamlaka halisi ya kuuza mali zilizoorodheshwa) na wanunuzi. Tunakusudia kujumuisha magari kutoka kwa wauzaji waliosajiliwa pamoja na wamiliki binafsi, na kuwawezesha wanunuzi kulinganisha chaguzi zote kwa uwazi kabla ya kufanya maamuzi.
Mkakati wetu ni rahisi: kuwa na manufaa na uhusiano wa moja kwa moja na soko letu. Tunaelewa kuwa uaminifu haujengwi kwa siku moja, bali kwa hatua ndogo ndogo na tupo tayari kujenga uaminifi huo kwa uthabiti mkubwa.
Je, wewe binafsi umeshawahi kununua au kuuza gari nchini Tanzania? Ni changamoto gani kubwa zaidi uliyokutana nayo katika mchakato huo?
Tungependa kusikia uzoefu wako. Andika maoni yako hapa chini!